Aẓar n tagut

Deg Inurar yekker wurar. Argaz tameṭṭut ɣellin-d ɣer ccḍeḥ, yiwen yiwen, sin sin. Wa ijeddeb, wa yekkat afus, wa yettsuɣu. Wa icennu ccna yecban asmermeɣ, ta tjeddeb teslewliw ɣer wudmawen yellan zdat-s ur teẓri wi ten-ilan. Ger uṣeffer d usḥaḥay, ger ccnawi d uslewlew, yekker ẓẓga ur nefri. Yal wa icennu ayen i d-yenna uqerruy-is, yal wa yecna izli yessen. Gan rreḥba n imeslab, jedben ad ffɣen yemcumen i ten-izedɣen zedɣen tamurt.